Trading සහ චිත්තවේග තත්ත්වයන්
01) වෙළඳපොලක ඇති විශාල අවස්ථාවක් මඟ හැරීමේ බිය
මෙම තත්වය ඇති වීමට වර්තමානයේ සමාජමාධ්‍ය හේතූ වී ඇත. එනම් ඔබ සමාජ මාධ්‍යවල බොහෝ දැන්වීම් මේ වන විට දැකලා ඇති “විනාඩි පහෙන් ලක්ෂ 5ක්, 10ක් හෙව්වා ” කියලා පල කරන දැන්වීම්. ඒ වගේම අපේ course එක කරපු අය සතියකට ලක්ෂ ගණන් හොයනවා වැනි දැන්වීම්. නමුත් ඔවුන් කිසිදිනෙක trading වලදී අසමත් වූ අවස්ථා පළකරන්නේ නැත. එම නිසා මේ trading වලට අලුතෙන් එන සියලුම දෙනා අධික ලෙස එක රැයකින් මුදල් සෙවීමේ අපේක්ෂාවෙන් trading සඳහා යොමු වේ. එම නිසා එම අධික අපේක්ෂාවෙන් මේ සඳහා යොමු වී තමන්ගේ මුදල් නැති කරගැනීම් බොහෝ විට සිදු වේ. ඉන්පසුව සිදුවන්නේ ඉන් ඉදිරියට trade සඳහා යොමු වීමට බියක් ඇතිවේ.
02) අධික විශ්වාසය
මෙම තත්වයට තවත් හේතුවකී. කිසියම් හෝ පුද්ගලයෙක් හෝ තමන් විසින්ම market එක analyze කර එම trade එක පිළිබඳ දැඩි විශ්වාසයක් තබා trade එක සඳහා යෙදූ සියලුම මුදල් අහිමිකරගෙන නැවත trade එකක් සඳහා ඇතුලු වීමට බයක් ඇති වේ.
03) ඉවසීම අඩු වීම
කිසිම දිනක market එක හඹා නොයා යුතුය. Market එක අප ළඟට එනකල් ඉවසිය යුතුය. බොහෝ දෙනා දකින දකින තැන් වල trade වලට ඇතුළු වේ. එක් conformation එකක් දුටු පමණින් trade සඳහා යොමු වේ. නමුත් මෙහිදී බොහෝ ඉවසීමකින් යුතුව market එකෙහි trade එකක් සඳහා ඇතුළු වීමට හොඳ opportunity එකක් ලැබෙන තුරු ඉවසිය යුතුය.
04) හැගීම්
- තණ්හාව
- trading වලින් බොහෝ දෙනෙකු තණ්හාව නිසා මුදල් නැති කරගනී. එනම් profit තිබෙන විටත් එම profit එකෙන් සෑහීමකට පත් නොවී trade එක hold කරගෙන සිට සියලුම මුදල් නැති කර ගන්නා අවස්ථා ඇත. ඒවගේම loss එකක trade එක තියෙන විට එයට stop loss නොදා නැවත වෙළඳපොල ලාභ දිශාවට ගමන් කරයි යැයි සිතා මුදල් අහිමිකර ගනී.
- නොඉවසිලිමත්කම
- කිසිම වේලාවක අපට අවශ්‍ය ආකාරයට වෙළඳපොල මිල ගමන් කරන්නේ නැත. එම නිසා අපිට හිතුන වේලාවට trade සඳහා enter විය නොහැකිය. එක් conformation එකක් තිබූ පමණින් trade සඳහා ඇතුළත් නොවී එම දිනය පිළිබඳ යම් අවබෝධයකින් යුතුව trade වලට enter විය යුතුය.
- උද්වේගය
- trading යනු ඉතාමත් පුළුල් විෂය ධාරාවකි. එම නිසා වෙළඳපොල ඉතාමත් හොඳින් අධ්‍යනයය කර මාස හෝ වසර කිහිපයක අත්දැකීම් සමඟ ඇතුල්විය යුතු දෙයකි. එම නිසා පාඨමාලවක් හැදෑරූ පමණින් trading වලින් සාර්ථක වීම අපහසුය. එසේ වුවත් එය කෙටි කාලීන දෙයකි. එම නිසා trading පිළිබඳ පුළුල් දැනුමක් සමඟ ආරම්භ කල යුතු දෙයකි.
- සාංකාව
- සාංකාවය යනු එක් trade එකක් loss වූ විට එය ගැන සිත සිතා සිටීමයි. එම නිසා වෙළඳපොලේ ඇති විශාල අවස්ථා මඟ හැරේ.
- අධික බිය
- trade එකක් සඳහා enter වීමට ඇතැම් අයට අධික බියක් ඇති වේ. කොතරම් දැනුම තිබුණත් තමන්ට තමා ගැන විශ්වාසය නොමැති වීම.