- අපි දන්නවා ඕනම දේක පැති දෙකක් තිබෙනවා. කාසියක සිරස හා අගය, හොද නරක වගේ පැති දෙකක් තිබේ. එසේම මෙම වෙළදපොලෙත් පැති දෙකක් අපට දැකගත හැකිය. එනම්, ගැණුම්කරුවන් හා විකුණුම්කරුවන්ය.
- ඉතින් යම්කිසි දෙයක් විකුණුමට නම් ගැණුම්කරුවන් සිටිය යුතු අතර යම්කිසි දෙයක් මිලදී ගැනීමට නම් විකුණුම්කරුවන් සිටිය යුතුය.
- අප මීට පෙර දක්වා තිබූ Liquidity Void සිදු වූ අවස්ථාවලදී මෙම Imbalance තත්වය වෙළදපොළෙහි ඇති වේ. එනම්, එම අවස්ථාවේදී වෙළදපොළ ඉහළ ගියෙහි නම් ඒ අවස්ථාවේදී ගැණුම්කරුවන් පමණක් වෙළදපොළෙහි සිටිය ඇති අතර වෙළදපොළ පහළ ගියේනම් විකුණුම්කරුවන් පමණක් එම අවස්ථාවේදී ක්‍රියාත්මක වී ඇති බව අපට දැකගත හැකිය.
- පහත රූපයේ දැක්වෙන්නේ එවැනි Imbalance අවස්ථාවන්ය.
- අපි Imbalance එකක් හදුනාගනු ලබන්නේ ඊට පෙර හා පසු සෑදුණූ Candles වල Lower wick එකෙන් හා Upper wick එකෙන් මැද තිබෙන Candle එක ආවරණය වූයේ නැත්නම් එම අවස්ථාව Imbalance එකක් ලෙස ගත හැකිය.
- වෙළදපොළ පහළ ගිය අවස්ථාවක නම් පෙර සෑදුණු Candle එකෙහි Lower Wick එක හා පසුව සෑදුණු Candle එකෙහි Upper Wick එක.
- වෙළදපොළ ඉහළ ගිය අවස්ථාවක නම් පෙර සෑදුණු Candle එකෙහි Upper Wick එක හා පසුව සෑදුණු Candle එකෙහි Lower Wick එක.
- ඉතින් මෙම Imbalance තත්වයේදී එක් පාර්ශවයක් මෙහි ක්‍රියාත්මකව ඇත. එවිට,
- වෙළදපොළ පහළ ගිය අවස්ථාවක නම් ගැණුම්කරුවන්ගේ ක්‍රියාත්මක වීමක් සිදු වී නොමැත. එම නිසා ඒ අවස්ථාවේදී ඇති වී තිබෙන Imbalance තත්වය පිරවීම සදහා කුමන හෝ වෙලාවක නැවත වෙළදපොළ මිල පහළ බැස එම ස්ථානයට පැමිණේ.
- වෙළදපොළ ඉහළ ගිය අවස්ථාව නම් විණුම්කරුවන්ගේ ක්‍රියාත්මක වීමක් සිදු වී නොමැත. එම නිසා ඒ අවස්ථාවේදී ඇති වී තිබෙන Imbalance තත්වය පිරවීම සදහා කුමන හෝ වෙලාවක නැවත වෙළදපොළ මිල ඉහළ යෑමක් සිදුවී එම ස්ථානයට පැමිණේ.
- එසේ වෙළදපොළ Imbalance තත්වය පිරවීමට වෙළදපොළ නැවත පැමිණීමේදී එහි 50% ක මට්ටමකට වෙළදපොළ පැමිණියහොත් එම Imbalance එක සම්පූර්ණ වූ ලෙස සැළකේ.
- මෙම Imbalance තත්වය සම්පූර්ණ කිරීමට නැවත වෙළදපොළ මිල එම අවස්ථාවට පැමිණෙන වේලාවක් අපට කිව නොහැක. එය පිරවීමට සමහර විටදී විනාඩි 5ක්, පැයක්, දවසක්, සතියක්, මාස කිහිපයක් වුවත් විය හැකිය. එම නිසා ඔබ trade කරන විටදී මෙය එක් Conformation එකක් ලෙස පමණක් භාවිතා කරන්න.
- මෙය ඕනෑම time frame එකකට අදාළ වේ.
- පහත රූප සටහන් වල Imbalance තත්වය සම්පූර්ණ කල අවස්ථාවන් දැක ගත හැකිය.